Оле Гунар Солскјер го „пецна“ Сити пред градското дерби!
Натпреварот ќе се игра денеска од 18.30 часот на „Етихад“ стадионот, менаџерот на Манчестер јунајтед, Оле Гунар Солскјер пред медиумите истакна дека неговиот клуб и натаму е поголем клуб од ривалот, Манчестер сити.
Сити ќе заврши на подобро место на табелата од Јунајтед во дури седмата сезона по ред во првиот ранг на англискиот фудбал, а тоа не се случило од 30-те години на минатиот век.
– Да, сеуште сме подобри од нив. Очигледно е дека сега сме во големо заостанување во однос на нив, но што треба да правиме? Да се откажеме? Да не ги предизвикуваме? – се зборовите на менаџерот на Манчестер јунајтед. Секако дека екипата од „Олд Трафорд“ нема добри резултати сезонава, но скоро не загуби дуел против „големите тимови“.
Во средата го совлада Тотенхем на Мурињо, и полн со самодоверба доаѓа на гостувањето на градскиот ривал Сити со желба да го „исклучи“ од шампионската трка. Од последниот успех на „црвените ѓаволи“ во 2013. година, „граѓаните“ трипати го освојуваа трофејот во Премиер лигата.
Во генералниот пласман води Ливерпул после 15 кола со 43 бодови, Манчестер сити е на третото место со 32, додека Манчестер јунајтед е на шестата позиција со 21 бод. Во останатите дуели од денешната програма се среќаваат: Евертон-Челзи, Борнмут-Ливерпул, Тотенхем-Барнли и Ватфорд-Кристал Палас.