Олденбург се раздели со Војдан Стојановски
Стојановски летово ќе биде во потрага по нов предизвик, Германците му се заблагодарија за сиот досегашен придонес во натпреварите.
– Тој е фантастична личност кој ги освои симпатиите во и надвор од клубот. Ние имаме други планови за наредната натпреварувачка сезона 2019/20 – вели Клариќ.
Минатата сезона во најсилната германска кошаркарска лига во 40 натпревари имаше просек од 7.7 поени, 2.2 скокови и 1.0 асистенција по меч.
Нашиот кошаркар (31) претходно настапуваше за Вардар, АМАК СП, Напредак Крушевац, Фени Индустри, Черкаски Мавпи, Доњецк, Алба Берлин, Морабанк Андора, Реал Бетис и Бујукчекмече.
Во својата клупска кариера со АМАК СП беше победник во Купот, со Фени Индустри шампион во домашната лига и БИБЛ, со Доњецк шампион во украинската лига и со Алба Берлин освојувач на трофејот во германскиот куп.