Ола: Имаме договор со нив, Депај сака да игра за Барса!
Каталонскиот гигант во самата завршница од преодниот рок се обиде да ангажира засилувања за новата сезона, една од желбите беше Мемфис Депај, но неуспешно.
Особено тренерот на Барселона, Роналд Куман побара до управата на клубот да го обезбеди потписот на напаѓачот на Лион, на крајот немаше реализација на трансфер.
Но, како што информира претседателот на францускиот клуб, Жан-Мишел Ола, Депај во јануари ќе се пресели во редовите на Барса.
– Мемфис е разочаран, но не поради нас, туку поради Барселона. Бартомеу ми рече дека не знае што сè може да се случи. Мемфис беше подготвен на многу „жртвувања“ само за да оди во тој клуб и ќе направи сè за во јануари да се пресели во Барселона. Помага и тоа што имаме договор со нив – се зборовите на Ола.
Депај (26), холандскиот напаѓач од 2017 година ги брани боите на Лион, со до сега запишани 108 натпревари и 47 голови. Претходно во кариерата беше дел уште од ПСВ Ајндховен и Манчестер јунајтед.