Октомвриската одлука, Рама со изјава за Македонија
Албанскиот премиер, Еди Рама не исклучува никакво сценарио за октомври, кога Европскиот совет ќе донесе одлука за преговорите со Албанија.
– Сè може да се случи во октомври, јас не исклучувам ништо – рече Рама.
Според него, октомвриската одлука не е поврзана со Албанија и Северна Македонија, туку е политичка одлука поврзана со иднината на Европската унија, пренесува Топ Чанел.
– Ова е вистината и ова не може да се промени – рече Рама.
Шефот на албанската Влада, исто така, одговори и за некои известувања на грчките медиуми дека Атина ќе и стави услов на Албанија за преговорите, почитување на правата на малцинствата.
– Грчкото малцинство се гледа како несомнен интегрален дел од нашиот соживот, исто така и како богатство, како поврзувачки мост. Никогаш немало негативна тенденција кон грчкото малцинство – рече Рама.
Во врска со новата Влада во Грција, Рама рече: „Ние сакаме да имаме продолжување на дијалогот за прашањата, пријателството, разбирањето, почитувањето, бидејќи нашите соседски односи не можат да зависат од политичкото потекло на една Влада“.