Околу 76 отсто од граѓаните веруваат во јакнењето на регионалната соработка

Околу 76 отсто од граѓаните и 67 отсто од стопанските субјекти веруваат во ползата од јакнење на регионалната соработка, истакна Мајлинда Брегу, генералната секретарка на Регионалниот совет за соработка (РСС), претставувајќи го најновото издание на сеопфатното истражување на јавното мислење „Балкански барометар 2019 г.”

Зборувајќи денеска на панел на РСС на Самитот на Западен Балкан во Познањ, Брегу истакна дека најновиот успех со намалувањето на цените на роамингот од 1 јули годинава станува модел на соработка што дава конкретни резултати и кој треба да се користи и во иднина.

– Сличен модел е применлив и на евроинтеграцијата на регионот, со оглед дека 64 отсто од стопанствениците и 56 отсто од граѓаните сметаат дека тоа е добра работа, што се случува прв пат во последните пет години откако се спроведува истражувањето, а истото мислење го делат и 61 отсто од младите испитаници, нагласи таа.

Меѓутоа, според Брегу, не е се така добро, бидејќи 60 отсто од граѓаните се загрижени за невработеноста, а се повеќе и за корупцијата и одливот на мозоци, што веројајтно  тоа е причината зошто 39 отсто од испитаниците размислуваат за заминување во странство.

– Околу 69 отсто веруваат дека социо-економската состојба е просечна, 26 отсто велат дека состојбата е под просекот, а 16 отсто од граѓаните не можеле да си дозволат основни намирници. Она што загрижува е падот на вработеноста за осум отсто, односно само 34 отсто од граѓаните рекле дека се вработени, додека тој процент за 2018 година изнесуваше 42 отсто, додаде Брегу.

– Се на се задоволството од состојбата во регионот се подобрува и од 35 бодови од 100 колку што се измерени во 2015 г., сега има 44 бодови, што е и натаму под половина. Стопанските субјекти се уште попоптимистични со 61 бод, што е огромно придвижување во однос на 47 бодови колку што се забележани пред четири години, појасни Брегу.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот