Околу 46 милиони бегалци се исклучени од глобалните програми за вакцинирање против Ковид-19, вклучително и баратели на азил, бегалци, мигранти и раселени лица, се наведува во студија на Светската здравствена организација.

Тоа значи дека околу 46 милиони луѓе, колку што е населението во Шпанија, ќе останат без можност да се вакцинираат дури и ако се надмине сегашниот глобален недостиг на вакцини против вакцините.

На бегалците не им е овозможено да се вакцинираат во Индија, Нигерија и Индонезија и до неодамна во Пакистан, каде што се прилагодуваат плановите за вакцинација да вклучуваат бегалци за имунизација.

Како дел од програмата СЗО – Ковакс во март беше донесена одлука да се обезбедат резервни дози на вакцини за најранливите заедници и луѓето кои немаат пристап до процесот на имунизација.