Околу 270 Палестинци се повредени на вчерашните протести против израелската колонизација
Во текот на вчерашните протести во Западен Брег поради израелската колонизација повредени се околу 270 Палестинци.
Најмногу повредени се во Беита, во близина на Наблус, каде што израелската армија редовно е во судир со жителите кои протестираат од средината на мај против изградбата на дива еврејска населба.
– Повеќето од жртвите се повредени од вдишување солзавец, педесетина се ранети од гумени куршуми, а седуммина со боева муниција, соопшти Црвена полумесечина.
Според израелската армија, околу 150 Палестинци фрлале камења и запалени гуми кон војниците, кои возвратиле со „средства за растурање на демонстрации” и истрели.
Според Црвена полумесечина во слични судири минатата недела повредени биле 320 лица, од кои најголемиот број од вдишување солзавец.
Судири имаше и во Беит Омар, на погребот на 20-годишниот Палестинец. Тој им подлегнал на повредите здобиени претходниот ден во сличен судир со израелските војници на погреб на 12-годишното палестинско момче.
