ОЈО како швајцарско сирење: Течат документи од истрагата за „Рекет“ – Слободен печат
ВестиМакедонија

ОЈО како швајцарско сирење: Течат документи од истрагата за „Рекет“

Факсимил од Записник за примање кривична пријава, од 2 мај 2019 г., од Основното јавно обвинителство за гонење организиран криминал и корупција, се појави на портал.

Засега нема информации од ОЈО за гонење организиран криминал и од државното обвинителство дали веќе е отворен предмет за да се утврди како протекол документот и кој ќе понесе одговорност за тоа, бидејќи станува збор за доверливи податоци. Кога италијанска „Ла Верита“ ги објави видео и аудио снимките кои се дел од истрагата за „Рекет“, од обвинителството негираа дека материјалите протекле од кај нив, објави порталот 360степени.мк..

Факсимил од Записник за примање кривична пријава, од 2 мај 2019 г., од Основното јавно обвинителство за гонење организиран криминал и корупција, се појави на порталот „Инфомакс“. Најверојатно, станува збор за моментот кога Јордан Камчев формално пријавува рекетирање и поднесува кривична пријава. Објавен е факсимил само од една страница од документот, а во текстот на порталот се пренесуваат и делови од документот што не можат да се прочитаат на таа страница.

Од објавениот факсимил може да се прочита дека Камчев пред Русковска тврдел дека историјатот на контактите со Бојан Јовановски и Зоран Милевски (осомничени во „Рекет“) започнува од септември 2018 г. кога Боки 13 првично му нуди „фиктивен проект за продажба на права за некаков тип на Fashion Mall“. На вториот состанок, според Камчев, Боки 13 донел „тип на договор кој беше потпишан од директорот на таа компанија за франшиза, а тоа е синот на обвинителката Катица Јанева“. Камчев вели дека му биле побарани 4 милиони евра за „ноу-хау“ и дека тој сфатил оти станува збор за фиктивен проект, па го одбил.

Следувал и втор обид од Јовановски, овој пат да му продаде „ексклузивна лиценца за старечки домови, од некоја европска асоцијација“, за која Камчев би добил ексклузивитет за територијата на Скопје.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close