OJO ја завршува истрагата за претепувањето на струмичанецот Вцков – други снимки откриваат кој прв почнал
Со видливи повреди на главата, струмичанецот Игор Вцков кој завчера беше брутално претепан во Струмица од група луѓе и настанот го виде целата јавност откако видеото се појави на социјалните мрежи, ја раскажа својата потресена приказна за тоа како бил нападнат и од кого.
-Во казиното каде што играв за 200 денари побарав уште едно пиво, но не ми додоа, туку луѓе од обезбедувањето на Зоран Заев ме нападнаа и ме тепаа и ме извадија надвор каде ме удираа по главата и телото, а се обидоа да ме прегазат со автомобил, сведочи Вцков за настанот кој ја вознемири Струмица и целокупната македонска јавност.
Според неговото тврдење тој е тепан без причина, дека е Ром, а тоа го тврди и Геге Демировски од Народната партија на Ромите кој го вклучи Вцков во живо на Фејсбук да зборува за нападот врз него.
-Ромскиот народ е дискриминиран од Зоран Заев и ги молам странските амбасади да реагираат. Овој случај во кој членови на обезбедувањето на Заев се директно инволвирани во тепачката треба да одговараат на Суд. Го молам обвинителството и судовите како и полицијата да отворат случај и да се бара правда за бруталното претепување на Вцков, вели Демировски.
-Ако не сте способни да им помогнете на Ромите, барем не ги тепајте, дециден е Демировски.
Според извори на „Слободен печат“ од обвинителството кое покрена истрага за случајот, наводите на Вцков се далеку од вистината за случајот и обвинети се луѓе кои немаат никаква вмешаност.
Од она што е досега откриено со истрагата, Вцков во казиното во Струмица влегол со група од 10 луѓе и притоа кршел и го нарушил редот. Овој дел е документиран од безбедносните камери во објектот. Поради тоа реагирало обезбедувањето и дошло до прекумерна употреба на сила за да се совлада Вцков, што исто така е дел од истрагата.
ОЈО ги собира материјалните докази и наскоро ќе финишира истрагата за целиот случајот и ќе биде јасно против кого и за што ќе бидат поднесени кривични пријави.
ВИДЕО: Страшна тепачка во центарот на Струмица – маж претепан од толпа со палки и тупаници