6 C
Скопје

Охриѓани без традиционалната рибна чорба и масовното капење за Денот на рибарите

Без староградска музика, греано вино, топла ракија и пача минува годинешниот празник Собор на Свети Јован Крстител во Охрид. Целата манифестација на Денот на рибарите во Охрид е откажана поради познатата ситуација наметната од епидемијата. Оваа година сите активности врзани за прославувањето на Богојавленските празници во Охрид минуваат под строги протоколи и без организирани собири.

Годинава ја нема и веќе воспоставената традиција на варење рибна чорба во голем казан, кога се делеа и до пет илјади порции на тој охридски специјалитет.

И по неколку илјадници гости, заедно со охриѓани на овој празник се собираа на Сараиште и на Градското пристаниште, на одбележувањето на Денот на рибарите кога по традиција тие влегуваа во езерото и со капење го одбележуваа завршувањето на забраната за излов на риба после зимскиот мрест.

Прочитајте и...  ООН: Сексуалното насилство се користи како оружје во војната во етиопскиот регион Тигре

Денот на рибарите во Охрид е една од најкарактеристичните манифестации што се одржуваат на Богојавленските празници, како датуми од календарот што привлекуваат поголем број гости во градот надвор од главната туристичка сезона.

Славењето на празникот посветен на Свети Јован Крстител или Денот на рибарите е потсетување на традицијата на капење на рибарите на денот кога се означувал крајот на мрестот на пастрмката и почетокот на сезоната на риболов. Во поново време на овој ден се одбележуваше почетокот на изловот на пастрмката за нејзино измолзување и вештачки мрест.

Поврзани вести

Псаки: Администрацијата на Бајден засилено спроведува активности за спречување на оруженото насилство

Слободен печат

Бремените жени во Велика Британија ги советуваат да се вакцинираат со вакцините на „Фајзер“ или „Модерна“

Слободен печат

Земјотрес од 4.2 степени регистриран во Јадранско море

Слободен печат

Ивановска: Генералниот секретаријат и за нас набави клими, но имаше дузина барања за тоа

Слободен печат

Советодавниот одбор на ЦДЦ на 23 април ќе одлучува дали да ја продолжи паузата за вакцината на „Џонсон и Џонсон“

Слободен печат

Тасева: Владата требаше да го разреши Рашковски, а не да чека да си поднесе оставка

Слободен печат

Остави Коментар