Охриѓанец се соблече гол и прошета низ центарот на Охрид
Дел од странските делегации присутни на Преспа форумот кој се одржува во Охрид, утрово за време на слободните часови за разгледување на градот и преубавите културно-историски и верски знаменитости, се соочија со ретка гола глетка.
Имено низ центарот на градот, како од мајка роден, се шетал средовечен човек. Настанот бил пријавен од повеќемина во локалната полиција, која, и без тоа, има многу работа – да ги обезбедува ВИП личностите присутни на форумот и да се грижи за редот, мирот и сообраќајот.
Како што пишуваат од СДК.мк, лицето ѝ било добро познато на полицијата. Лицето е од Охрид и оваа „нудистичка прошетка“ не му била прва, само со тоа што порано носел танга како долна облека – пренесуваат тие.
Тој до Охридскиот плоштад дошол облечен во пантолони, споделуваат информации директни сведоци на настанот.
Но наеднаш, тој се расоблекол, и прошетал сосема гол низ центарот на Охрид.