Охрид ќе биде ставен на листата на загрозено наследство? - Слободен печат
ВестиМакедонија

Охрид ќе биде ставен на листата на загрозено наследство?

Според „Фронт 21/42“, кои сесијата во Баку ја нарекуваат пресудна, ставањето на Охрид на листата на светски наследства во опасност нема да значи тргање на заштитата од УНЕСКО, туку нејзино зајакнување зашто ќе се стопира деструкцијата и ќе се создадат услови за враќање поволна состојба на вредностите.

На сесијата која деновиве се одржува во престолнината на Азербејџан, Баку,  ќе се дискутира за состојбата со природното и културното наследство во Охридскиот Регион, а учествува владина делегација предводена од министеот Едмонд Адеми, во која е и градоначалникот на Охрид Константин Георгиевски.

Според „Фронт 21/42“, кои сесијата во Баку ја нарекуваат пресудна, ставањето на Охрид на листата на светски наследства во опасност нема да значи тргање на заштитата од УНЕСКО, туку нејзино зајакнување зашто ќе се стопира деструкцијата и ќе се создадат услови за враќање поволна состојба на вредностите.

– Деновиве се одвива, за нас пресудната, 43 сесија на Комитетот за Светско Наследство во Баку, Азербејџан. По повеќе децении континуирано уништување (практично од осамостојувањето до денес) на агендата е разгледување на потребата нашето единствено светско природно и културно наследство да биде прогласено за светско наследство во опасност. Ова, според нас, е негова единствена шанса за опстанок – велат од еколошкото здружение “Фронт 21/42“ од Охрид .

– Одење на листата не значи губење на статусот, значи дека советодавните експертски тела на УНЕСКО (врвни светски експерти за природа и културно наследство) директно ќе се вклучат во изработка на сет корективни мерки за посакувана состојба. Постојат многу примери во светот каде ваквиот потег донел спектакуларни резултати и во речиси безнадежни случаи целосно се вратени исклучителните универзални вредности. Во оваа смисла, најпатриотскиот чин кој нашата делегација може (и ако сака да го зачува најголемото природно и културно богатство – мора) да го направи во Баку, е да побара Охрид да отиде на листата на светски наследства во опасност и помош од експертите од УНЕСКО – апелира „Фронт 21/42“.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Слични артикли

Еден коментар

  1. Ам` за Струга важит ова? – ВОхрид по некоје правило важит, тука и таму, а во Струга ниеден закон досеа не важел. Ам` да си прашам, за јавносва да кажи, да искоментират нешчо. Да тргни работава. Да проработит колекторо да дајт Госпо.

Напишете коментар

Вашата адреса за е-пошта нема да биде објавена. Задолжителните полиња се означени со *

Close