Македонскиот туристички бисер, Охрид, втора година по ред, на стартот од јули ќе биде домаќин на два спортски настани во организација на триатлон федерацијата на Макединија во триатлон. На 6 и 7 јули ќе се одржат Европскиот јуниорски куп и Отвореното национално првенство.

Стартот на натпреварите ќе биде од Билјанини извори, на плажата „Buffalo“, а натпреваручите ги очекуваат три дисциплини, пливање, возење велосипед и трчање.

Сите заинтересирани триатлонци и спортски ентузијасти можат да се пријават најдоцна до 1 јули преку интеррнет страната „www.smartrace.club.“.
Пријавувањето за Европскиот Јуниорски куп во машка и женска конкуренција се реализира преку националните федерации. Трката наменета за јуниори, родени помеѓу 2000 и 2003 година ќе се состои од: 750метри пливање, 20километри велосипед и 5километри трчање.

На Отвореното национално триатлон првенство, натпреварувачите ќе бидат поделени во категории според возраст и сите ги очекуваат идентични дисциплини, 750 метри пливање, 20 километри велосипед и 5 километри трчање.