Еден од најсреќните моменти во семејството е свадбата. Но, трошоците за неа се високи. Најмногу пари од буџетот се одлеваат за купување на невестински фустан и злато, вклучувајќи ја и традиционалната носија на одредени места. Горе-долу, семејствата кои сега веќе ги завршиле свадбите или ги започнале подготовките велат дека минималниот износ за една свадба е околу 10 илјади евра, пренесува Алсат М.

-Не чини толку ресторанот колку што чини златото и другите работи. Сега неодамна имавме свадба во Скопје, потрошивме 17 илјади евра. Поради вакви нешта, се истрошуваме. До 10 илјади евра е многу, зборам за каква што е состојбата тука – вели граѓанин.

Запрашан колку планираат да потрошат за свадбата која ја имаат, граѓанин вели : “Се уште не знаеме, но 20 илјади евра не се доволно. Дали работите тука или на печалба ? Тука. Дали е голема сумата споредено со состојбата во земјата? Голема е, но треба да изнајдеме решение”, вели граѓанинот.

Освен семејството, свадбите се скапи и за гостите кои треба да испратат разни подароци. Последниве години, златото се избегнува како подарок поради високата цена.

-Моментално тој што има пари купува злато. Ние имаме злато за три варијанти, поевтино, средно и скапо, според клиентот кој купува. Повеќе се бараат поевтините – вели еден златар.

-Подароците чинат, потешко им е на обичните семејства тука бидејќи треба да однесат подароци – додава еден граѓанин.

Добар дел од трошоците на свадби има и невестинскиот мираз и средувањето на куќата за новиот брачен пар. На списокот на трошоци е и музиката. За да се обезбеди пејач или музичка група, просечната сума која едно семејство треба да ја одвои е над 1.500 евра. А, за да изгледа свадбената кола убаво треба да одвоите просечна сума од 40 евра.