ОГРОМЕН ПОЖАР ВО АНГЛИЈА ПРОГОЛТА 40 КАМИОНИ: Експлозиите одекнуваа една по друга (ВИДЕО)
Огромен пожар зафатил неколку десетици камиони во фабрика за машини за перење во Питерборо во Англија, а експлозиите кои одекнувале една по друга се слушале на неколку километри оддалеченост, додека џиновски облак со црн чад го покрил градот.
На терен излегле повеќе од 50 пожарникари кои се обиделе да го запрат пожарот кој се шири.
Според првите проценки огнот зафатил околу 40 камиони со приколки, а на социјалните мрежи може да се прочита дека жителите се во паника поради експлозијата кој се слушала и на неколку километри оддалаченост од фабриката.
Итните служби ги предупредиле жителите за тоа вратите и прозорците од своите домови да ги чуваат затворени, но според бројните снимки, малку кој го послушал предупредувањето.
Многу жители излегле на улица и во паркови за да го следат густиот црн чад кој се ширел од фабриката.