Вкупно 80 земји и царински подрачја  го забранија или ограничија извозот на заштитни маски, средства, ракавици и друга опрема, со цел да се намали недостигот за време на епидемијата ка коронавирусот, соопшти Светската трговска организација.

Од нив 72 се членки на СТО, а само 13 држави членки известиле за мерките согласно прописите, стои во соопштението на оваа организација.

Од таму додаваат дека нетранспарентноста во однос на ограничувањата и недоволната соработка на меѓународно ниво би можеле да ги загрозат напорите за спречување на ширењето на Ковид-19, од кој во моментов се заразени над 2,6 милиони луѓе низ светот, а 184.910 починаа.

Според организацијата, иако ограничувањето на извозот е разбирливо, сепак се заканува опасност за земјите кои зависат од увозот, да загубат пристап до неопходните медицински производи.