Официјално: Унаи Емери го напушти Арсенал
Денеска соопшти клубот дека Унаи Емери не е повеќе менаџер на „топчиите“ и дека привремено решение ќе биде шведската легенда Фреди Љунгберг.
Лондонскиот премиерлигаш моментно е во потрага по нов менаџер и наскоро ќе ја информира јавноста за новиот шеф на клупата.
Самите лоши резултати и перформанси се причина за заминувањето на Емери на кој му се заблагодари клубот и му посакува успех во иднина.
Додека не се пронајде вистинското решение, Љунгберг ќе ја води екипата на дуелот против Норич. Швеѓанецот го водеше претходно У23 тимот на Арсенал, а беше и асистент во бундеслигашот Волфсбург.
Како играч на Арсенал од 1998 до 2007 година имаше 216 натпревари и 46 голови, со две премиерлигашки титули, три трофеи во ФА Купот, а еден во ФА Комјунити Шилд.