Официјално: Советот изгласа, Битола го доби Еурофарм Пелистер!
Денеска на вонредна седница Советот на Општина Битола го изгласа договорот на акциите за ракометниот клуб Пелистер од страна на компанијата Еурофарм.
Се најавуваше од претходно оваа фузија на двата битолски тима, Еурофарм Работник и Пелистер. Новиот клуб ќе се игра Еурофарм Пелистер (воглавно составен од Еурофарм Работник), а вториот тим, односно Пелистер ќе се вика Еурофарм Пелистер 2.
Наскоро треба да биде потпишан договорот помеѓу градоначалникот на Битола, Наташа Петровска и луѓето од компанијата Еурофарм.
Заедничкиот буџет на двете битолски екипи ќе изнесува околу еден милион евра, а бојата на дресовите нема да се менува од оваа сезона.
Од наредната година покрај „сино-белата“ комбинација, екипата ќе игра и во „зелено-бела“.