Официјално: Ракитиќ од Барселона во Севиља
Како што потврдуваат од редовите на каталонскиот клуб, хрватскиот фудбалер ќе ги брани боите на Севиља воо чии бои се враќа после шест години.
Барселона му се заблагодари на Иван Ракитиќ за сета досегашна посветеност на клубот и договорено е да се пресели во екипата на Севиља. Андалузиската екипа ќе плати 1.5 милиони евра (уште девет како бонуси) за Ракитиќ кој потпиша договор на четири години, односно ќе трае до 30 јуни 2024 година.
? LATEST NEWS | Agreement with Sevilla for the transfer of @IvanRakitic
— FC Barcelona (@FCBarcelona) September 1, 2020
Хрватот веќе настапуваше своевремено за Севиља, во периодот од 2011-2014 имаше учинок од запиша 32 голови и 41 асистенции во 149 натпревари, а воедно во сезоната 2013/2014 со клубот дојдео до трофејот во Лига Европа.
Скоро исти бројки имаше и на „Камп Ноу“ (35 голови и 42 асистенции), но и многу повеќе трофеи, по четири во „Ла Лига“ и „Копа дел Реј“, два во шпанскиот Суперкуп и по еден во Лигата на шампионите, УЕФА Суперкупот и Светското клупско првенство.
Со хрватската репрезентација успеа да стигне до финалето на Светското првенство во 2018 година.