Како што и се најавуваше, тоа денеска доби потврди, Мартин Одегард (22) ќе игра на позајмица во редовите на Арсенал.

Норвешкиот интернационалец кој е член на Реал Мадрид, до крајот на сезоната како позајмен ќе биде во составот на Микел Артета.

Играчот за врска во нападот ја започна својата кариера на домашно тло во Стромсгодсет, а во јануари 2015 година се пресели на „Сантјаго Бернабеу“.

Не доби веднаш шанса во првиот тим на Реал, па беше испратен на позајмица во холандските екипи на Херенвен и Витесе, како и во шпанскиот Реал Сосиедад со чија екипа успеа да стигне до финалето во „Копа дел Реј“ во текот на ланската сезона.

– Одлично е што го обезбедивме Мартин да дојде кај нас до крајот на сезоната. Мартин е секако играч кој сите многу добро го познаваме и иако е сè уште млад, веќе некое време игра на врвно ниво. Сите сме возбудени што ќе го имаме во нашите планови од сега до мај – вели менаџерот на Арсенал, Артета.

Our newest Gunner! ??? pic.twitter.com/tYc9w0g6N3

— Arsenal (@Arsenal) January 27, 2021