Никола Митревски (34) кој досега ги бранеше боите на Еурофарм Пелистер, од следната сезона (2020/21) ќе биде играч на Порто чиј тренер е Магнус Андерсон.

Иако се поврзуваше и со трансфер во редовите на Вардар, македонскиот репрезентативец одлучи да се врати во Португалија.

?Nikola Mitrevski

?⚪Bem-vindo! Welcome!

?‍♂️Guarda-redes
??Macedónia ?34 anos
?Outros clubes: RK Pelister, RK Vardar, Metalurg Skopje, Benfica, Dobrogea Sud e Eurofarm Pelister#FCPorto #FCPortoAndebol #Andebol #FCPortoSofarma #FCPortoSports pic.twitter.com/nSgXBwpD4c

— FC Porto (@FCPorto) June 2, 2020

На португалско тло беше дел и од Бенфика, а во клупската кариера играше уште за Пелистер, Вардар, Металург и Доброгеа Суд од Романија.

– Минатата година, ја имав можноста да играм против Порто во ЕХФ купот и сега знам како одат работите во овој клуб. Многу сум среќен со овој трансфер, знам како функционира Порто. Кога ми дојде понудата, не размислував многу пред да ја прифатам – рече Митревски за клупскиот сајт.

Воедно верува дека ќе се адаптира добро и заедно со Кинтана, ќе имаат добра сезона, со многу победи и титули.