Официјално: Крај во Франција, ПСЖ ја освои титулата
Конечниот пласман на „Лига 1“ се заснова според просек на заработени бодови по одигран натпревар.
Откако пред два дена француската влада донесе одлука дека нема да се одигра фудбалската „Лига 1“ тоа денеска доби и потврда.
Се чекаше секој момент и реакција од страна на француската фудбалска федерација, како и од првите луѓе на најдобрата француска лига.
Денеска и францускиот спортски магазин „Лекип“ информираше дека федерацијата веќе донела одлука да стави крај на сезоната.
? Le @PSG_inside remporte officiellement le championnat de France 2019 / 2020.
Le club de la capitale obtient son 9e titre de @Ligue1Conforama et revient ainsi à la hauteur de l'Olympique de Marseille au palmarès ?➡ https://t.co/XKReeluHrR pic.twitter.com/MtGvBG1f7N
— Ligue 1 Conforama (@Ligue1Conforama) April 30, 2020
Еве сега и официјално информираат од „Лига 1“, дека ПСЖ ја освојува титулата во сезоната 2019/2020.
До прекинот на сезоната поради пандемијата на коронавирус, париските „светци“ водеа со 68 бодови, 12 повеќе од второпласираниот Марсеј.
??⚡
Le @PSG_inside est officiellement Champion de France 2⃣0⃣2⃣0⃣!
?? #CHAMPI9NSATHOME pic.twitter.com/aOWba7um4T
— Paris Saint-Germain (@PSG_inside) April 30, 2020
– Имајќи ги предвид донесените одлуки и изјавите донесени од Премиерот и владата, ЛФП (Професионална фудбалска лига) ја заврши сезоната 2019/20.
Управниот одбор на ЛФП донесе одлука да го објави конечниот пласман во „Лига 1“ и „Лига 2“, во согласност со правилата што веќе ги донесе француската фудбалска федерација за сите свои првенства. Конечниот пласман на „Лига 1“ се заснова според просек на освоени бодови по одигран натпревар. Во случај на израмнет просек, се земаат во предвид резултатите од меѓусебните мечеви за одделување на клубовите – пренесуваат од Професионалната фудбалска лига на Франција.
1.ПСЖ 2.52
2.Олимпик Марсеј 2.00
3.Рен 1.79
4.Лил 1.75
5.Ница 1.75
6.Ремс 1.46
—
ПСЖ и Олимпик Марсеј ќе играат во групите на ЛШ, Рен во квалификациите за ЛШ, Лил и Ремс во групите на Лига Европа, а Ница во квалификациите на ЛЕ.