Официјално: Ковач не е повеќе тренер на Баерн – Слободен печат
СпортФудбал

Официјално: Ковач не е повеќе тренер на Баерн

После катастрофалниот пораз од Ајнтрахт Франкфурт (1:5) во рамките од Бундеслигата, баварскиот гигант одлучи да ја прекине соработката со хрватскиот стратег.

И официјално вечерва Баерн Минхен потврди дека тренерската клупа ја напушти Нико Ковач, двете страни се договорија за прекин на соработката.

Со месеци се шпекулираше заминување на хрватскиот стратег, а последниот изненадувачки висок пораз од Ајнтрахт Франкфурт (1:5) во најсилната германска лига беше причина Ковач да го напушти клубот.

Иако одредени германски медиуми информираа дека последна шанса на Хрватот ќе му бидат наредните мечеви од ЛШ, тоа нема да се случи.

Соопштено е дека претстониот дуел од Лигата на шампионите против грчкиот Олимпијакос, фудбалерите на германскиот првак ќе ги води Ханси Флик.

Минатата сезона Ковач со Баерн ја освои „двојната круна“ и Суперкупот, додека оваа сезона претрпе три порази, од кои еден против поранешниот клуб.

Жером Боатенг и Томас Милер беа најнезадоволни од досегашната соработка со Ковач, летово си замина Матс Хумелс, но ниту со засилувањата (Ернандез, Кутињо, Павар…), Хрватот не успеа да направи моќен тим на каков што се надеваа првите луѓе на Баерн.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close