Официјално: Јувентус го отпушти Сари
Италијанскиот тим му врачи отказ на тренерот Маурицио Сари по само една сезона.
Челниците на „старата дама“ тоа што го ветија и го направија, му врачија отказ на 61-годишниот тренер по шокантната елиминација во осминафиналето од Лигата на шампионите.
Ufficiale | Maurizio Sarri sollevato dall’incarico. https://t.co/rYAzQtGAg9 pic.twitter.com/oOYWGJGM4Y
— JuventusFC (#Stron9er ?????????) (@juventusfc) August 8, 2020
Јувентус под водство на Сари ја освои деветтата шампионска титула во Серија А, но тоа не беше доволно за тренерот да ја задржи работата и наредната сезона бидејќи императивот беше нападот на трофејот во Лигата на шампионите.
Во елитното натпреварување, Јувентус се сопна уште во првата елиминациска фаза, во осминафиналето, а подобар од нив беше Олимпик Лион.
Претседателот на Јувентус, Андреа Ањели веќе разговарал со Маурицио Покетино кој важи за главен фаворит за тренерското столче, а на списокот се наоѓаат уште и Зинедин Зидан од Реал Мадрид и тренерот на Лацио, Симоне Инзаги.