Официјално: Фернандеш нов играч на Манчестер јунајтед
Како што и се најавуваше во последните 24 часа, тоа денеска и се потврди од страна на „црвените ѓаволи“ кои се пофалија со ново зимско засилување.
На својот клупски сајт Манчестер јунајтед објави дека е постигнат договор со Спортинг Лисабон за трансфер на Бруно Фернандеш.
Во тек се лекарските прегледи, а после завршувањето на истите се очекува и официјалниот потпис по што клубот од „Олд Трафорд“ ќе сподели повеќе детали околу договорот со 25-годишниот играч од средниот ред.
Manchester United is delighted to announce it has reached agreement with Sporting Clube de Portugal for the transfer of Bruno Fernandes.
The deal is subject to a medical and the agreement of personal terms.
A further announcement will be made in due course. pic.twitter.com/6bDVHszxL1
— Manchester United (@ManUtd) January 29, 2020
Според досегашните шпекулации Португалецот се очекува да стави потпис кој ќе важи до лето 2024 година во трансфер вреден 55 милиони евра кои веднаш ќе ги добие екипата од Лисабон, а уште 10 милиони доколку играчите на Оле Гунар Солскјер обезбедат настап во Лигата на шампионите додека Фернандеш настапува за тимот.
Својата кариера ја започна во Новара, па продолжи во Удинезе, беше дел од Сампдорија, а од 2017 година ги бранеше боите на Спортинг со 83 натпревари и 39 голови.
За најдобрата португалска репрезентација има 19 мечеви и два погодоци со која воедно го освои првото издание на УЕФА Лигата на нации.
