Официјално: Дејан Блажевски е новиот „лав“!
После претходната соработка со екипата на Работнички, Дејан Блажевски (33) носи дополнителна свежина, цврстина и особено непроценливо искуство во нападот, информираат од ФК Македонија ЃП.
– Македонија Ѓорче Петров е одличен тим со супер услови за работа. Доаѓам во Ѓорче да дадам максимум од моите капацитети и искуство и да му помогнам на тимот во исполнување на претстојните предизвици, а тоа се нови заеднички успеси и што повисока заслужена позиција на табелата – се зборовите на Блажевски.
Во својата кариера освен за „романтичарите“, настапувал уште за Пелистер, Агротикос Астерас, Вериа, Пјерикос Катерини, Турново, Хазар Ланкаран, Вардар и Тирана.
Новата сезона во Првата македонска фудбалска лига ќе стартува в сабота (10 август) со првите четири натпревари се играат во сабота, а единствено мечот помеѓу Вардар и Македонија ЃП еден ден подоцнав недела од 17.30 часот на теренот на ФФМ, а закажан е и директен пренос на Арена Спорт.