24-годишното крило доаѓа во Тетово од Бразил, претходно настапуваше во Европа за Газиантеп и Бурсаспор во Турција.

Шкендија денеска го промовираше бразилскиот напаѓач Игор Вандерсон Да Силва. Тој е крило и ќе биде тоа неговото трето европско искуство.

Потпиша договор на една и пол година со тетовските „црвено-црни“, после напаѓачот Рубин Хебај и голманот Ферат Рамани, Да Силва е третото засилување оваа зима.

Во својата кариера покрај турските клубови Бурсаспор и Газиантеп, на домашно тло беше дел од Агуа Санта и Метрополитано каде што ја започна кариерата.

– Добро е чувството да се биде тука. Сè е ново за мене, учам секој ден за градот, за клубот. Верувам дека моите амбиции се исти како и на клубот. Целта е екипата да биде шампион, добро игра во Европа, и тие се моите цели. Кога понудата дојде, беше како љубов на прв поглед – рече Да Силва по потпишувањето на договорот.