Официјално: Жоао Кансело на позајмица во Баерн Минхен
Како што и се најавуваше, тоа и се потврди, Баерн го ангажираше Жоао Кансело кој до крајот на сезоната ќе игра на позајмица од Манчестер сити. Договорот содржи откупна клаузула вредна 70 милиони евра.
Овој португалски 28-годишен бек ја започна професионалната кариера во Бенфика. Пред да го облече дресот на „граѓаните“ во 2019 година, беше дел од Валенсија, Интер и Јувентус.
За Сити запиша 154 настапи и постигна девет голови, двапати ја освои Премиер лигата, еднаш Лига купот, а беше финалист во Лигата на шампионите во сезоната 2020/2021.
– Баерн е голем клуб, еден од најдобрите во светот, и за мене е огромна мотивација сега да играм покрај овие извонредни играчи во тимот. Знам дека овој клуб, овој тим живее за титули и освојува титули секоја година. Ме води и гладта за успех. Ќе дадам сè од себе за Баерн – вели Кансело за клупскиот сајт.
Bо претходните три сезони беше избран во идеалниот тим на Премиер лигата на позицијата лев бек.
📸 Unsere neue Nummer 2️⃣2️⃣! 😍#MiaSanMia #FCBayern #ServusJoão pic.twitter.com/chWlQMwrZL
— FC Bayern München (@FCBayern) January 31, 2023