Официјално: Витсел нов фудбалер на Атлетико Мадрид
Белгискиот репрезентативец Аксел Витсел (33) е првото заслување за Атлетико Мадрид во летниот преоден рок. Искусниот фудбалер од средниот ред со шпанскиот тим потпиша едногодишен договор.
Витсел во Атлетико доаѓа од Борусија Дортмунд како слободен играч на инсистирање на тренерот Диего Симеоне. Тој треба да претставува замена за Ектор Ерера, кој го напушти клубот и замина во МЛС лигата во тимот на Хјустон Динамо.
Витсел кариерата ја започна во Стандард Лиеж, а играше и за Бенфика, Зенит, кинески Тианџин и Борусија Дортмунд, додека за репрезентацијата на Белгија одигра 124 натпревари и постигна два гола.
🇧🇪 Axel Witsel is a new Red & White player!
🔴⚪ The Belgian international has signed with our club for one season.
➡ https://t.co/nmK1eeYAwr pic.twitter.com/gkob3ZT6km
— Atlético de Madrid (@atletienglish) July 6, 2022