Официјално: Стив Клифорд нов тренер на Шарлот хорнетс
НБА клубот Шарлот хорнетс, чиј сопственик е Мајкл Џордан, во петокот објави дека тренерот Стив Клифорд (60) се враќа на својата клупа.
– Возбудени сме што Стив повторно е со нас. Сметаме дека неговото претходно искуство и неговата филозофија на игра го прават најдобар тренер на нашиот тим – рече претседателот на Шарлот, Мич Купчак.
Клифорд беше тренер на Хорнетс од 2013 до 2018 година пред да го преземе Орландо меџик на три години.
Шарлот, кој веќе шеста сезона во низа не се квалификува во плејофот во НБА лигата, ја заврши потрагата по наследник на Џејмс Борего, кој ја напушти клупата во средината на април.
Сезонава Хорнетси беа убедливо елиминирани од Атланта (132:103) во плеј-ин фазата за пласман во плеј-офот.