Официјално: Марсијал на позајмица во Севиља
Францускиот напаѓач одлучи како позајмен играч од редовите на Манчестер јунајтед до крајот на сезоната да ги брани боите на Севиља.
Андалузијците за Ентони Марсијал им платија на „црвените ѓаволи“ меѓу шест и седум милиони евра за шестмесечна позајмица, во која не е вклучена можноста за откуп на договорот во летниот период.
Тоа значи дека 26-годишниот играч ќе се врати на „Олд Трафорд“, бидејќи има важечки договор со клубот до 2024 година, а потоа ќе биде донесена одлука за неговата понатамошна кариера. Веќе подолго време се шпекулираше дека Марсијал би можел да го напушти Јунајтед, незадоволен од статусот во тимот.
Сезонава собра вкупно 359 минути на теренот и постигна само еден гол што е далеку под очекувањата. Поради тоа, тој на крајот сакаше да ја напушти Англија и да се пресели во Севиља.
Францускиот репрезентативец е член на премиерлигашкиот гигант од 2015 година кога пристигна од Монако за 60 милиони евра.
🇫🇷 @AnthonyMartial, refuerzo de lujo para el ataque sevillista.
Bienvenue! 👋#WeareSevilla #NuncaTeRindas
— Sevilla Fútbol Club (@SevillaFC) January 25, 2022