АТП донесе одлука да ги одземе бодовите на грен слем турнирот „Вимблдон“, како одговор на санкционирањето на руските и белоруските тенисери.

Потсетување, „Вимблдон“ неодамна одлучи да го забрани настапот на руските и белоруските тенисери.

АТП поради тоа казни со одземање на бодовите, што значи дека бодовите не се сметаат, но финансиските награди остануваат на сила.

Организацијата вели дека дискриминацијата на поединечни турнири едноставно не е одржлива на турнеја што функционира во повеќе од 30 земји.

– Способноста на играчите од која било националност да учествуваат на турнири по заслуги и без дискриминација е од фундаментално значење за нашата турнеја. Одлуката на Вимблдон да им забрани на руските и белоруските играчи да се натпреваруваат во Велика Британија ова лето го поткопува овој принцип и интегритетот на системот за рангирање на АТП. Во отсуство на промена на околностите, со големо жалење и неподготвеност не гледаме друга опција освен да ги отстраниме бодовите од АТП ранг-листата од Вимблдон за 2022 година – беше официјално објавено од АТП.

BREAKING:

ATP removes ranking points from #Wimbledon this year because of their ban of Russian and Belarusian players. pic.twitter.com/7WLmIt2jWM

— Ben Rothenberg (@BenRothenberg) May 20, 2022