Менаџерот на Арсенал, Микел Артета го продолжи договорот со Арсенал, потврдија денеска од лондонскиот клуб.

Шпанецот официјално ќе остане на клупата на „топџиите“ до јуни 2025 година. Задоволен од досега сработеното е директорот на Арсенал, Еду.

– Многу сум среќен, возбуден и благодарен – рече Артета по потпишувањето на новиот договор.

Со еден млад и перспективен состав покажа дека има голем тренерски потенцијал, па ќе продолжи со процесот на враќање на Арсенал на старите патеки на славата.

Артета како играч пет сезони го носеше дресот на Арсенал, а по завршувањето на играчката кариера на Емирати во 2016 година се пресели во стручниот штаб на Пеп Гвардиола во Манчестер сити.

Тој стана менаџер на клубот од Лондон во декември 2019 година, а неговиот тим е четврти на четири кола пред крајот на првенството со два бода повеќе од Тотенхем.

The journey continues ✊

✍️ Mikel Arteta
✍️ Jonas Eidevall

Congratulations on your new deals! 🔴

— Arsenal (@Arsenal) May 6, 2022