Јужноамериканските земји Аргентина, Уругвај, Чиле и Парaгвај денес објавија заедничка кандидатура за домаќинство на Светското првенсто во 2030 година.

Актуелниот светски шампион заедно со уште три соседни земји сака да ги собере најдобрите репрезентации во 2030, откако следниот Мундијал во 2026 ќе се одржи во САД, Канада и Мексико.

Нивната кандидатура има силна поткрепа затоа што станува збор за стогодишнината од светските првенства, а првиот се одржа на јужноамериканско тло во Уругвај во 1930 година.

Покрај кандидатурата на јужноамериканците која е официјална се најавува и кандидатура на Шпанија и Португалија со цел Мундијалот да се одржи во Европа. Ако се случи Мундијалот во 2030 година да биде доделен на јужномериканците тоа ќе биде трет во низа кој ќе се одржи надвор од Европа.