Инвестициската рамка за Западен Балкан го прифати финансирањето на осум проекти за овозможување техничка помош на Албанија, Босна и Херцеговина, Косово и Србија, соопшти денеска Советот за регионална соработка.

Проектот е со вредност од 8,2 милиони евра, го финансира ЕУ и со него ќе бидат опфатени дигиталниот, еколошкиот и социјалниот сектор.

Од осумте проекти два се поврзани со социјалниот и еколошкиот сектор на Србија во вредност од 5,97 милиони евра, три се врзани со Албанија и се однесуваат на дигиталната инфраструктура, а нивната вредност изнесува 0,85 милиони евра, два проекти се поврзани со Босна и Херцеговина, од кои едниот се однесува на еколошкиот сектор а другиот на социјалниот сектор со одобрени 1,4 милиони евра, а еден проект од дигиталниот сектор е поврзан со Косово и за него е предвиден грант од 0,35 милиони евра.

Широкопојасен атлас, паметни градови, паметни села, доготално поврзување и компјутерска инфраструктира со високи перформанси се областите во кои се одобрени проекти од дигиталниот сектор.

Советот ги поздрави и останатите одобрени грантови за проекти од еколошкиот и социјалниот сектор, каде исто така неопходни се значителни подобрувања.

Дигиталната интеграција на Западен Балкан е еден од приоритетите на Повеќегодишниот акциски план за Регионалниот економски простор за периодот од 2021 до 2024 година.