Одобрени 13 нови одбранбени проекти на Европската Унија – Слободен печат
ВестиРегион

Одобрени 13 нови одбранбени проекти на Европската Унија

Иако 22 земји-членки на ЕУ се и во НАТО, Унијата се надева дека до 2021 година ќе покрене фонд за вооружување вреден повеќе милијарди евра, наменет за дизајнирање и производство на нови тенкови, бродови и технологија.

Владите на земјите-членки на Европска Унија денеска одобрија 13 нови одбранбени проекти, со цел да се развие што поголема независност од САД.

Според плановите на министрите за одбрана на земјите-членки на Унијата, ќе почне да се работи на нов патролен брод, електронско оружје за попречување на леталата и технологија за следење на балистички ракети.

Во тек е изработка на околу 47 заеднички одбранбени проекти на ЕУ откако Франција, Германија и 23 влади на земји-членки на ЕУ кон крајот на 2017 година потпишаа пакт за финансирање, развој и распоредување на вооружени сили по одлуката на Велика Британија за излегување од Унијата.

Иако 22 земји-членки на ЕУ се и во НАТО, Унијата се надева дека до 2021 година ќе покрене фонд за вооружување вреден повеќе милијарди евра, наменет за дизајнирање и производство на нови тенкови, бродови и технологија.

Европското одбранбено планирање, операции и развој на оружје предвидува Франција да преземе голема улога – 60 проценти од вкупно 47 проекти, често заедно со Германија, Италија и Шпанија.

Предвидено е Франција и Италија да развиваат прототип воен брод, познат како Европска патролна корвета.

Франција, Португалија, Шпанија и Шведска исто така имаат за цел да испорачаат нов противподморнички систем за заштита на морските патишта и комуникации.

Франција веќе го предводи производството на нови европски хеликоптери.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close