Членовите на Владата на денешната седница ја одобрија Годишната програма на Јавното претпријатие за државни патишта (ЈПДП) за изградба, реконструкција, рехабилитација, одржување и заштита на државните патишта за 2021 година која во делот на инвестициите ќе има буџет повисок за 4.000.000.000 милијарди денари во однос на лани, соопшти владината прес-служба.

Владата на 41 седница го утврди и текстот на Предлог Законот за изменување и дополнување на Законот за задолжителни нафтени резерви, со кој, меѓу другото, се врши усогласување со законодавството на Европската Унија (ЕУ) во насока на обезбедување на механизми и услови за одржување на високо ниво на безбедност и стабилност во снабдувањето со нафта и нафтени деривати во земјата и во ЕУ, преку сигурни и транспарентни механизми кои се засноваат на солидарност помеѓу земјите-членки.

Освен усогласувањето со европската директива, со предложените измени се врши усогласување и со домашната легислатива како неопходен услов за ефикасна и непречена имплементација на прописите во пракса.