Организаторите соопштуваат дека и официјално натпреварувачите ќе трчаат на 30 август. Потврдени и одобрени се протоколите и мерките од страна на комисијата за заразни болести и на таков начин се создадоа услови и официјално да се одржи овогодинешното издание на „Охрид трчаТ“.

Бројот на учесници е лимитиран и тоа 250 учесници за полумаратонот и 250 за трката на 5км така што максимален број на учесници е 500.

Во овој момент има уште 170 места за на 21км и 105 за на трката на 5км. Сите учесници кои ќе се пријават до 20 август ќе си имаат ексклузивно право да си имаат име и презиме на стартниот број.

Пријавувањето е отворено до 23 август, 23 и 59 минути доколку претходно не се исполни предвидениот одобрен број за учество.

Преку веб страната www.ohridtrcat.mk и социјалните мрежи организаторите исто така ќе информираат околу протоколите, мерките, подигнувањето на стартните пакети, патеката за движење на денот на трките и сè останато.