Унгарскиот парламент денеска и одобри на Владата да распише референдум за прашањата на ЛГБТИ заедницата, а критичарите на владата велат дека тоа дополнително ќе ги загрози правата на тоа малцинство, пренесува Еуроњуз.

Парламентот, во кој мнозинство има владејачката национал-популистичка партија Фидес на премиерот Виктор Орбан, денеска изгласа четири референдумски прашања поврзани со програмите за сексуално образование во училиштата и достапноста на информации за промена на полот.

Едно од прашањата ќе се однесува и на медиумските содржини, односно „дали тие влијаат врз развојот на малолетниците”.

Пратениците од опозицијата беа воздржани.

Владата претходно најави дека ќе иницира референдум по бунтот поради усвојувањето на закон со кој се забранува „прикажување или промовирање” на хомосексуалност или промена на пол во содржини достапни за малолетници.

Унгарија забранува ЛГБТ содржини во училиштата