Одобрен кредит за распишување тендер за увоз на гориво во Либан

Либанското министерство за енергетика денеска објави дека добило одобрение од централната банка за заем во износ од 100 милиони долари.

Кредитот е земен за распишување тендер за увоз на гориво за производство на електрична енергија.

Министерството во соопштението наведува дека електричната мрежа во земјата ги снабдува потрошувачите со иста количина електрична енергија како и пред вчерашниот целосен прекин на електричната енергија.

Либанската електрична мрежа вчера беше целосно исклучена, откако двете главни електрани останаа без гориво.

Електраните Демир Амар и Ал Захрани престанаа со работа откако се потрошија залихите на дизел и производството на енергија падна под 200 мегавати.

Видео на денот