Огњен Кузмиќ кој пред десетина денови имаше тешка сообраќајна несреќа и се наоѓаше во вештачка кома, денеска е пуштен на домашно лекување.

Докторите во Ургентниот центар во Белград се задоволни од опоравувањето на кошаркарот и одлучија рехабилитацијата да ја продолжи во друштво на своето семејство но под постојан надзор на докторите.

„ Лекарскиот конзилиум кој ги изврши прегледите во четвртокот е задоволен од здравствената состојба на кошаркарот на Црвена звезда и одлучи Огњен Кузмиќ рехабилитацијата да ја продолжи во друштво на своето семсјтво но со чести и детални контроли. Црвена звезда им се заблагодарува на докторите од Бања Лука и од Белград кои со максимален ангажман за 11 денови успеаја невозможното да го направат возможно – да ги санираат тешките повреди “, стои во соопшението на Црвена звезда.

Кузмиќ по сообраќајната несреќа во Република Српска беше во вештачка кома за да можат да се санираат повредите, а минатата среда му беше извршена операција на горната вилица за да може полесно да дише.