Собранието на Венецуела се обрати со барање до Владата за прогласување на претставничката на Европската Унија (ЕУ) во земјата, Изабел Бриланте Педроса за персона нон грата, како одговор на санкциите што Унијата ги воведе кон Каракас во понеделникот. 

– Кревам две раце за прогласување на претставникот на ЕУ за персона нон грата и за преиспитување на условите под кои ЕУ е присутна во Венецуела, рече претседателот на Националното собрание Хорхе Родригез за агенцијата ЕФЕ.

Европската Унија во понеденикот воведе нови санкции за 18 претставници на Венецуела, вклучително и за претседателот на националниот изборен совет, за заменик-претседателот, за шефот на Стратешката оперативна команда на вооружените сили, за пратеници и за судии.

Моментно под санкции на ЕУ се наоѓаат 55 лица од Венецуела.