18.8 C
Скопје

Одбраната на Боки 13 бара да сведочи поранешeн директор на УБК

Кривичниот суд во Скопје не го прифати предлогот на првообвинетиот во предметот „Рекет” како сведок да биде сослушан Горан Николовски, поранешен директор на некогашната УБK.

Кривичниот суд во Скопје не го прифати предлогот на првообвинетиот во предметот „Рекет”, Бојан Јовановски – Боки 13, во дополнение на доказната постапка како сведок да биде сослушан Горан Николовски, поранешен директор на некогашната Управа за безбедност и контраразузнавање.

На оваа одлука реагираше бранителот на обвинетиот Боки 13, адвокатот Сашо Дуковски, кој рече дека во овој случај се прифатени многу понерелевантни сведоци, како на пример сведокот Христијан Баневски.

– Ако сведокот Горан Николовски не е битен да биде сослушан во овој предмет тогаш не знам кој сведок е битен да биде сослушан, истакна адвокатот Дуковски.

Воедно судот одби и дел од доказите доставени од страна на обвинетата Катица Јанева, а прифати да се презентираат како докази извод од сметката на Константин Делкиџаков (татко на Јанева) и приватна тужба од Катица Јанева кон Бојан Јовановски-Боки 13.

– Приватната кривична тужба е поднесена на 13 март 2020, заради неовластено снимање. Досега судот уште нема преземени дејства, рече Ирена Фрчковска, бранител на Јанева.

Следното рочиште е закажено за 7 мај, кога обвинетиот Бојан Јовановски-Боки 13 ќе треба да ја даде својата одбрана.

Во досегашниот процес за случајот „Рекет”, се презентираа разни материјални докази и сведоци.

Судењето почна во декември минатата година. На првото рочиште второобвинетитот Зоран Милевски – Кичеец ја прифати вината и доби осудителна пресуда од три години затвор. На Милевски пред неколку недели му беше укинат и куќниот притвор.

За случајот „Рекет”, Обвинителство за борба против организираниот криминал и корупција, обвинитетите Боки 13 и Катица Јанева ги товари дека со умисла го рекетирале бизнисменот Јордан Камчев (обвинет во предметот „Империја”) за да му се укине мерката притвор во наведениот предмет.

Поврзани вести

Директорот на руско разузнавање тврди: Сталин ја нарекол дезинформација пораката дека Германија е подготвена за напад врз СССР

Слободен печат

Шест француски војници и четири цивили ранети во напад со автомобил-бомба во Мали

Слободен печат

Од утре до недела нема да биде во функција системот за прием и издавање лични документи

Слободен Печат

Земјотрес од 5,9 степени регистриран во близина на Грција и Турција

Слободен печат

Денес Владата ќе решава за еколошката такса и помал ДДВ за струјата

Вакцината на кубанските експерти покажала ефикасност од 92,28 отсто

Слободен печат

Остави Коментар