Женската одбојкарска репрезентација на Србија останува на европскиот врв откако во Анкара ја совладаа домашната репрезентацијата во финалето на ЕШ со 3:2 во сетови и со 21:25, 25:21, 25:21, 22:25, 15:13.
Ова е третата европска титула на Србија откако претходно славеа и во 2011 и во 2017 година. Исто така, женската репрезентација на Србија е и актуелен светски шампион.

What an unbelievable battle till the last point in the final of #EuroVolleyW!!! Serbia ?? defend the European ?! Huge applause!!! #WeAreEuroVolley pic.twitter.com/myPtZezYAi

— EuroVolley (@CEVEuroVolley) September 8, 2019

Српските одбојкарки подобро го започнаа финалето, создадоа предност од три поени (9:6), но носени од публиката во салата во Анката, турските одбојкарки направија серија од 7:0 со која успеаја да направат пресврт и да дојдат до првиот сет.

Во вториот сет, повторно контролата врз резултатот ја имаа Србинките кои сега не дозволија пад во играта и успеаја да израмнат на 1:1 во сетови.
Во наредните два сета и Србија и Турција освоија по еден по што европскиот шампион мораше да се одлучува во златниот петти сет.

Во него, подобро отворија Турчинклите кои ги искористија грешпките на Тијана Бошковиќ за предност од 7:9 но по замената на коректорот и техничарот, Србија се врати во игра, правејќи серија од 4:0 за 11:9 и предноста од два поени умешно ја одржуваше до крајот на мечот за победа од 15:13 и останување на европскиот одбојкарски врв.