Одбојкарите поразени на првата контрола со Романија
Македонската одбојкарска репрезентација е поразена од селекцијата на Романија со 3:0 (25:17, 25:20, 25:22) во првиот од предвидените двата пријателски натпревари кои ќе се играат во Крајова.
Со натпреварот против Романија, одбојкарите ја започнаа втората фаза од подоготвките пред историскиот настап на Европското првенство, а тоа е брусење на формата преку контролни натпревари.
Поразот од Романија се должи на едномесечните подготовки во Маврово каде се работеше на работеше на физичката подготовка.
Во договор на селекторите, имаше и четврти сет, а и во него Романците беа подобри со 25:17. Вториот натпревар ќе се игра, по што македонскиот состав ќе се врати во Скопје и ќе ги продолжи подготовките за дебитантскиот настап на европските првенства, во септември во Љубљана.