Одбојкарите без Милков и Стошиќ на двомечот против Романија

Повеќенеделните подготовки на одбојкарската репрезентација на Македонија е во завршна фаза и во наредниот период ќе се бруси формата пред дебитантскиот настап на Европското првенство. Втората фаза од подготовките ја одработија 15 одбојкари, а селекторот Никола Матијашевиќ не можеше да смета само на Марко Јуниор Стошиќ кого сè уште го мачи повредата на стомачните мускули.

На двомечот со Романија со што ќе започне и третата фаза од подготовките за настапот на ЕП, селекторот матијашевиќ нема да смета и на Александар Милков кој се приклучи подоцна на репрезентацијата и сè уште не е на физички потребното ниво. Затоа пак сигурно ќе настапат Ѓорѓи Ѓорѓиев и Филип Маџунков и капитенот Никола Ѓорѓиев кој во Маврово тренираше со намален интензитет.

По двомечот со Романија, одбојкарите ќе се вратат во Скопје каде што од 23. до 25. овој месец ќе одиграат два натпревара и ќе имаат еден заеднички тренинг со репрезентацијата на Шведска, а на 30.и на 31. ќе се тестираат на традиционалниот турнир „Чајка“ на којшто ќе учестуваат Белгија, Бугарија и Украина. Потоа следува уште еден двомеч, но на гостински терен во Австрија како последна проверка пред Европското првенство.

На ЕП кое ќе се игра од 12 до 29 септември, Македонија е во група со Финска, Турција, Русија, Белорусија и домаќинот Словенија.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот