Одбојка во Токио: Русија подобра во класикот со САД, Бразилките од Србија

EPA-EFE/MAST IRHAM

Женската одбојкарска репрезентација на Русија кога во Токио настапува како Руски олимписки комитет во дерби пресметката во групата Б го совлада САД со 3:0 по сетови и тоа со 25:20,25:12,25:19.
По четири кола и двете репрезентациии имаат скор од три победи и еден пораз и си го обезбедија пласманот во четвртфиналето. Најдобра на теренот беше Наталија Гончарија која освои 26 поени за својата репрезентација, а добар настап имаа и Арина Федоровцева со 13 и Ирина Воронкова со 11 поени. Кај САД, најдобри беа Џордан Ларсон и Хејли Вашингтон со по седум освоени поени.

Во дербито на денот, дуелот на непоразените во Група А им припадна на Бразилките кои со 3:1 во сетови ја совладаа Србија. Бразил славеше со 25:20,25:16,23 :25,25:19 и си го обезбеди првото место во групата А.

Видео на денот