Одбележување Светска недела на доење – поддршка на доењето за поздрава планета

„Поддршка на доењето за поздрава планета” е годинешното мото на Светската недела на доење, што традиционално се одбележува од 1 до 7 август. Неделата на доење, годинава, се одбележува под посебни околности, во знак на глобалната пандемија со Ковид-19 и според препораките на Светската здравствена организација, со посебен фокус за важноста на соработката, заедништвото и партнерските односи во промоцијата на доењето и пружањето поддршка на младите мајки., информират од Министерство за здравство.

Од Комитетот за доење посочуваат дека согласно препораките на СЗО и УНИЦЕФ, мајките треба да ги дојат своите бебиња и доколку имаат Ковид-19, бидејќи придобивките го надминуваат ризикот од зараза. СЗО препорачува мајките кај кои постои сомневање или е потврден Ковид-19 да бидат охрабрени, како и сите други мајки, да почнат или да продолжат со доење. Многубројните предности од доењето за новороденчиња и децата значително го надминуваат потенцијалниот ризик од зараза со Ковид-19.

Досегашните научни истражувања покажуваат дека новиот коронавирус COVID-19 не се пренесува преку мајчиното млеко. За време на доењето и контактот со бебето треба да применуваат респираторна хигиена, доколку е можно да носат маска; потребно е да ги мијат своите раце пред и по допирање на бебето со сапун и вода или дезинфициенс на база на алкохол. Миењето на рацете треба да биде најмалку 20–30 секунди, согласно препораките и техниките за правилно миење на рацете, како и редовно чистење и дезинфицирање на површините што ги имаат допрено.

Прочитајте и...  Националната платформа падна на првиот тест

Доењето е еден од најважните начини за унапредување и чување на здравјето. Тоа е најдобриот начин на исхрана на доенчињата, ја поставува основата за добро здравје, не само во периодот на детството, туку и во адултната возраст, воедно носи и голем број бенефити за мајките и за општеството во целост. Во согласност со препораките на СЗО доењето треба да е ексклузивно во првите шест месеци од животот, да трае до две години и подолго, паралелно со воведувањето други видови храна по шестиот  месец.

Република Северна Македонија со години наназад има имплементирано голем дел од  препораките на Светската здравствена организација, кои имаат за цел да го промовираат и заштитат доењето, формиран е Национален комитет за доење. Воедно, преку Програмата за здравствена заштита на мајките и децата, континуирано  се спроведуваат активности за промоција и заштита на доењето и се вршат обуки на здравствените работници од патронажните служби и превентивните советувалишта во здравствените домови, каде тим од лекар и сестра се постојано на располагање во давањето стручна помош за справување со сите можни предизвици поврзани со доењето.

Прочитајте и...  Хрватска: Помалку бучава во кафулињата за луѓето да разговараат безбедно на дистанца

СТРУЧНИ СОВЕТИ ОД КОМИТЕТОТ ЗА ДОЕЊЕ – ОДГОВОРИ НА НАЈЧЕСТО ПОСТАВУВАНИ ПРАШАЊА ОД ЗА МАЈКИТЕ КОИ СЕ ПРЕД ПОРОДУВАЊЕ И ВО СТРАВ ОД ИНФЕКЦИЈА, НИВНА ИЛИ НА НИВНОТО БЕБЕ: 

1. Дали може да се пренесе вирусот од мајката на бебето? Одговорот е дека постојат студии кои се контроверзни, тие коишто пронашле вертикална трасмисија на вирусот се со мал процент од 7 до 10 проценти, а бебињата се без симптоми или со лесна клиничка слика.

2. Дали мајките кои се суспектни или COVID-19 позитивни можат безбедно да ги дојат своите бебиња? Одговорот е да, треба и пожелно е да ги дојат своите бебиња, бидејќи ако се престане со доењето, ќе се намали и количеството мајчино млеко, а со тоа и заштитните фактори коишто ги содржи. Мајчиното млеко содржи антимикробни фактори: секреторен ИгА, ИгМ, ИгГ, олигосахариди, лизозими, леукоцити и таканаречени цитокини и антиинфламаторни фактори.

Прочитајте и...  Итна седница на Совет на безбедност на ОН за Нагорно-Карабах

3. Дали во мајчиното млеко кај COVID-19 позитивна мајка може да го има SARs- CoV вирусот?  Реализирани се повеќе студии во различни региони од светот и во ниту една од нив не е докажано присуство на вирусот во мајчиното млеко. Тоа значи дека единствен начин на којшто мајката може да го пренесе вирусот на своето дете е преку респираторните патишта. Поради тоа, неопходно е одржување на личната хигиена и задолжителна употреба на заштитни маски при доењето. Во случај кога мајката е со потешка клиничка слика, која бара нејзина хоспитализација пожелно е ако постојат услови да се искористи нејзиното измолзено млеко со помош на медицински сестри. А во случај да е со исклучително тешка клиничка слика може да се користи измолзено млеко од мајка донор. Исто така, според СЗО и УНИЦЕФ, COVID суспектна или позитивна мајка во првите моменти од раѓањето треба да го стави бебето на своите гради, не само заради млекото, туку и заради таканаречениот „skin-to-skin” контакт, исклучително значаен за емотивната и психолошката поддршка, како за бебето, така и за мајката.

Прочитај повеќе

Делови од Карпош и Сопиште утре без струја

Слободен печат

Заев: Крајно време е да најдеме решение за намалување на загубите и отпадот на храна (ВИДЕО)

Слободен печат

Националната платформа повторно падна, учениците не можат да се логираат за пробниот час

Михаило Донев

Макрон во Вилнус ќе се сретне со Тихановскаја

Слободен печат

За командантот на КФОР Риси ЗСО е контроверзно прашање

Слободен печат

Суспендираниот каталонски лидер најави вонредни избори

Слободен печат

Остави Коментар

Прочитај повеќе

Судири на протестот за легализација на абортусот во Мексико Сити

Слободен печат

Воспитувачка од Кина осудена на смртна казна поради труење на 25 деца во градинка

Слободен печат

Во сообраќајката на патот Штип-Радовиш се повредени 17 припадници на Армијата

Слободен печат

Австријците ја „чувствуваат” короната и во финансиска смисла

Слободен печат

Ниту Газивода, ниту Ујман туку „Eзеро Трамп“

Илинка Иљоска

Судир меѓу автобус и комби: Прекинат сообраќајот на патот Радовиш-Штип

Слободен печат