Од вториот „шешир“ ги чекаме ривалите за учество на ЕП 2022!
Првопласираните две и четири најдобро третопласирани репрезентации од секоја група ќе обезбедат учество на следниот континентален собир.
Денеска Европската ракометна федерација ги објави шеширите пред ждрепката за извлекување на квалификациските групи за пласман на следното Европско првенство.
Континенталниот собир во 2022 година ќе се одржи во две земји, Унгарија и Словачка, тоа ќе биде втор европски шампионат со 24 репрезентации.
Ривалите ќе ги дознаеме на 16 јуни (17.00 часот) во Виена кога ќе се формираат осум квалификациски групи од по четири репрезентации.
Македонија се наоѓа во вториот „шешир“ заедно со Австрија, Белорусија, Португалија, Србија, Русија, Црна Гора и Холандија. Овие селекции не можат да ни бидат противници во квалификациите.
Квалификации за ЕП 2022 –
Прв шешир: Норвешка, Шведска, Данска, Германија, Франција, Словенија, Чешка, Исланд.
Втор шешир: Австрија, Белорусија, Португалија, Македонија, Србија, Русија, Црна Гора, Холандија.
Трет шешир: Швајцарија, Литванија, Романија, Босна и Херцеговина, Украина, Летонија, Полска, Белгија.
Четврти шешир: Финска, Италија, Турција, Израел, Естонија, Грција, Косово, Фарски острови.
Првопласираните две и четири најдобро третопласирани репрезентации од секоја група ќе обезбедат учество на ЕП 2022.
ЕХФ го објави и распоредот на квалификациските натпревари –
1. коло 4-5 ноември 2020 година
2. коло 7-8 ноември 2020 година
3. коло 10-11 март 2021 година
4. коло 13-14 март 2021 година
5. коло 28-29 април 2021 година
6. коло 2 мај 2021 година