Од улични музичари до суперѕвезди: Кои се Италијанците кои победија на Евровизија?
Италијанските рокери со моќен звук и убедлива изведба синоќа, на големо на изненадување на многумина, победија на овогодишниот избор за песна на Евровизија со песната „Zitti e Buoni“.
Иако на Евровизија рок-музичари ретко извојуваат победа, како финските металци „Lordi“ кои победија 2007 година со песната „Hard Rock Hallelujah“, оваа година младите рокери од Рим покажаа дека рокенролот никогаш нема да умре.
Со енергичен настап и рефрен за паметење тие ги освоија срцата на публиката чиј глас беше пресуден за убедливата победа на годинешното шоу во Ротердам.
Кои се всушност „Måneskin“?
Тие доаѓаат од Рим и се познаваат уште од средно училиште. Пред да станат славни, тие свиреле на улиците во Рим, а откако победиле на „Санремо“ со песната „Zitti e buoni“, им беше обезбеден директен влез во финалето на Евровизија.
they started playing in a band on the streets of Rome
Now it may turn out that they brought Eurovision to Rome
Beautiful story#Eurovision #Maneskin pic.twitter.com/zEJSinrfov— klaudusia|| maneskin 🇮🇹 (@klaudusia_a) May 23, 2021
Пејачот Дамиано Давид, гитаристот Томас и басистот Викториа со потекло од Данска, од каде и биле инспирирани за името на нивната група „Måneskin“, што значи месечина.
Во песната која ја отпеаја на италијански јазик, тие синоќа пееја за уличните луѓе кои ѝ велат на буржоазијата да биде „послушна и добра“.
„Сè уште не можеме да веруваме! Драго ни е што толку многу луѓе сакаат рок музика“, рекоа победниците на прес-конференцијата во Ротердам откако отворија шампањ за да ја прослават победата.
they started playing in a band on the streets of Rome
Now it may turn out that they brought Eurovision to Rome
Beautiful story#Eurovision #Maneskin pic.twitter.com/zEJSinrfov— klaudusia|| maneskin 🇮🇹 (@klaudusia_a) May 23, 2021
Групата е основана од 21-годишната Викторија Де Ангелис и 20-годишниот гитарист Томас Реџи, кои заедно оделе на училиште во Рим. Подоцна им се придружил 22-годишниот Дамиано Давид како главен вокал, додека 20-годишниот тапанар Итан Торчи го пронашле на социјалната мрежа „Фејсбук“.
По учеството на „X Factor“ во 2017 година, нивната кариера почнала да зема замав. Следната година, тие го издадоа концептниот албум „Il ballo della vita“, кој беше на врвот на топ листите во Италија.
ВИДЕО+ФОТО: Манeскин од Италија се годинашните победници на Евровизија!
